حلوة بس صغيرة

حباتها صغيرة ومتحمصة .. مشروب فظيع يغير مودك في ثانية .. ريحتها تقلبلك تفكيرك وممكن تخليك تمشي على مزاجك من غير شوشرة .. "هيا دي العلاقة اللي تستاهل تكمل، بتاخد اكتر مابتدي" ازاي حبات صغيرة كدة تخلي ملايين تحت سيطرتها ومكان مايلفوا ويدوروا يرجعولها ..! ساعات حاجات صغيرة تقدر تتحكم ف حاجات كبيرة .. "ماتقللش من قيمة حاجة "..

نصف الدنيا

تأملت ملامحه الهادئة، تجاعيد حفرتها السنين، انحانئة خفيفة في ظهره.. لطالما يشعرها بالأمان، كلما بكت تذكرت ان وجوده في الدنيا يكفيها وان لها ظهرا يحميها كلما عصفت بها الحياة.. 

"الأب هو الوحيد الذي تطلب منه نجمة فيحضر لك السماء"

حب من طرف واحد

كم احبها، طويلة العنق، ممشوقة القوام، دائما يدي تحتضن ذراعها.. رائحة انفاسها جميلة لا تُقاوم.. كيف يمكن ان أتركها في يوم ما؟ هيا المتنفس الوحيد كلما ضاقت بي الدنيا .. 

"لأ، مهو انا لازم اكرهك انتي كدة هتموتيني بدري" ..استجمعت قوتها وسحبت نفسا عميقا حتى امتلئ جسمها برائحتها والقتها بعيدا ..

حياة مش بتاعتي

حدفت الموبايل من ايديها بعد ما شافت بروفايلات كل الناس اللي عندها واللاست سين والصور والكومنتس، زهقت من حياة السوشيال ميديا.. قررت تعيش من غيرهم وقفلت كل حاجة حتى لو هتعيش شويه منعزلة عن الاخبار والاحداث وكل الابديت في سبيل راحتها وترجع لحياتها ..

بنت والقمر

في كل مساء اعتادت ان تنظر للقمر وتصاحبه ليلها كله.. يسحرها بريقه وضياؤه.. كانت طفلة لاتعرف شيئا عنه سوى اسمه وحجمه الكبير في السماء.. ذات مساء اصطحبها والدها في نزهة، امسكت بيده في سعادة وهي تقفز ثم صاحت "بابا ده القمر بيحبني بيمشي معايا" ومنذ ذلك اليوم حتى كبرت بينها وبين القمر الف قصة وحكاية ..

حكاية حضن

"الحصن بلسم لكل الجراح من يمنحه ومن يتلقون"

بكت بعد محاولات بائت بالفشل في كبت مشاعرها.. لم تكن في حاجة الا لضم قوية تنسيها مالها من ألم, تمنحها القوة, تشعرها انها ليست وحيدة..
ضمها رغما عنها, شعرت بدفء لم تعهده منذ سنين وأمامنا كانت نفتقده.. في تلك اللحظة ابتسمت رغم دموعها.. "انا مش لوحدي"